14.04.2026. Abai.Media. «СМУ Университеттік госпиталі»КеАҚ жедел түрде жағдайы күрт нашарлаған бала жеткізілді. Анықталғандай, кішкентай науқас магнитті шариктерді жұтып қойған.
Жедел диагностиканың нәтижесінде дәрігерлер баланың асқазан-ішек жолында бірден 20 магнит бар екенін анықтады. Бөгде заттар ауыр асқынулар туындата бастаған.
Хирургтар тобы бірнеше сағатқа созылған күрделі операция жасады. Мамандар магниттерді алып тастап, ішкі ағзалардағы зақымдарды қалпына келтіріп, өмірге төнген қауіпті жойды. Қарқынды терапия курсынан кейін бала толық сауығып, үйіне шығарылды.
Айта кету керек, барлық медициналық көмек міндетті әлеуметтік медициналық сақтандыру (МӘМС) жүйесі аясында көрсетілді. Емдеу құны 500 мың теңгеден асты.
Неліктен бұл өте қауіпті?
Дәрігерлердің айтуынша, магнит жұту — балалар арасындағы ең қауіпті тұрмыстық жарақаттардың бірі.
Басқа ұсақ заттардан айырмашылығы, магниттер ішек қабырғалары арқылы бір-біріне тартылып, мынадай ауыр асқынуларға әкелуі мүмкін:
– тіндердің қысылуы
– қысым жараларының (пролеженьдердің) түзілуі
– ішектің перфорациясы (тесілуі)
– ішкі қан кету
– перитонит
Ауыр жағдайларда бұл өлімге әкелуі мүмкін.
Қазақстандық дәрігерлердің мәліметінше, мұндай жағдайлар сирек емес. Жыл сайын жүздеген бала бөгде заттарды жұтып қою салдарынан ауруханаға түседі.
Мамандардың айтуынша, мұндай оқиғалар көбіне 1 мен 5 жас аралығындағы балаларда кездеседі — бұл олардың қоршаған ортаны белсенді түрде танып-білетін кезеңі.
Дәрігерлер ересектерді ерекше сақ болуға шақырады:
– ұсақ заттар мен магнитті ойыншықтарды балалардың қолы жететін жерде қалдырмау
– құрамында ұсақ магниттері бар жиынтықтарды сатып алмау
– күмән туған жағдайда дереу дәрігерге жүгіну
Тіпті белгілер болмағанның өзінде жағдай тез нашарлауы мүмкін.
Бұл оқиға ата-аналардың қырағылығы мен дәрігерлердің жедел әрекетінің қаншалықты маңызды екенін тағы бір мәрте көрсетеді. Балаларыңызды қорғаңыздар.
