25.10.2024. Татарстан Республикасында Ұлы ойшыл, ақын Абай Құнанбайұлының бюсті ашылды.
Салтанатты шара ел Президенті Қасым-Жомарт Тоқаевтың БРИКС саммитіне қатысу үшін жасаған жұмыс сапарының аясында өтті.
Шараға сондай-ақ ҚР Мәдениет және ақпарат министрі Аида Балаева, Татарстан Республикасының Мәдениет министрі Ирада Аюпова және қоғам өкілдері қатысты.
Бюстің Татарстанда ашылуы Хәкім Абайға құрмет көрсетумен қатар, екі ел арасындағы достық қарым-қатынасты одан әрі жандандыра түседі. Бюст авторы — жерлесіміз Нұрбол Қалиев.
