Құрметті жерлестер!
Баршаңызды Республика күнімен шын жүректен құттықтаймын.
25 қазан – Тәуелсіз Қазақстан тарихында мәңгіге алтын әріптермен жазылатын тарихи күн! Бұл күні еліміздің егемендігі туралы декларация қабылданды. Тарихи құжат мемлекетіміздің тәуелсіздік алуына жол ашты.
Республика күні — елдігімізді нығайтатын, бірлігімізді бекемдейтін, ырыс-ынтымағымызды арттыратын айшықты мереке.
Егемендігімізді қорғау және сақтау – ортақ міндетіміз. Тәуелсіздік үшін қаншама боздақ құрбан болып, ер жүрек батырларымыз бен ұлыларымыздың ерен еңбектері қалды.
Ендігі міндет – ғылым мен білімді ұштастыра отырып, Отанымызды озық елдердің қатарына қосу. Көштен қалмаудың қамы – өскелең ұрпағымыздың келешегін бүгіннен ойлау. Осы жолда аянбай еңбек етуіміз керек. Баршаларыңызға бақ-береке тілеймін!
Құрметпен Нұрлан Ұранхаев, Абай облысының әкімі
