Қытайдың Тяньцзинь қаласында балалар мен жасөспірімдер арасында KyokushinRyu каратэден әлем чемпионаты өтті. Оған әлемнің 35 елінен 500-ге жуық спортшы қатысты. Турнирде Қазақстан құрамасы тамаша нәтижелерінің арқасында командалық есепте бірінші орынды иеленді.
Құрама сапындағы Абай облысының спортшылары ерекше көзге түсті. Абай облыстық KyokushinRyu басшысының Ерасыл Өміржановтың жетекшілігімен спортшылар лайықты дайындықтарын көрсетті. Жеңімпаздардың арасында әлем чемпионы атағын жеңіп алған Александр Гудзев бар. Абылай Дүйсен күміс, ал қола жүлде Бекзат Рыспеков, Дидар Алиев, Аман Садиров, Рамиз Есенғарин және Роллан Рамазановқа бұйырды.
