20.11.2024. Семей қаласында полиция қызметкерлері жол қозғалысы ережелерінің кезекті өрескел бұзылуын тоқтатты, деп хабарлайды Abay.Semey.press. Лебаев көшесінде Toyota Camry көлігін басқарған 32 жастағы ер адам ұсталды. Алғашында жағдай қарапайым болып көрінгенімен, құжаттарды тексеру барысында жүргізушінің 2020 жылы Семей қаласының сот шешімімен 7 жылға көлік жүргізу құқығынан айырылғаны анықталды. Ол шешім мас күйінде көлік жүргізгені үшін шығарылған.
Көлік құралы айып тұрағына қойылды. Аталған құқық бұзушылық бойынша материалдар сотқа жіберілді. Қолданыстағы заңнамаға сәйкес, жүргізушіге 184 600 теңге көлемінде айыппұл салынуы немесе 10 тәулікке қамауға алынуы мүмкін.
Полиция ескертеді: көлік жүргізу құқығынан айырылған немесе мас күйінде көлік жүргізу — тек ереже бұзу ғана емес, ол айналадағы адамдардың өмірі мен денсаулығына тікелей қауіп төндіреді. Мұндай әрекеттер қайғылы салдарға әкелуі мүмкін.
